Баймаҡ үҙәк район китапханаһында Мөнир Ҡунафиндың «СВОими глазами. Страницы спецоперации» китабының исем туйы үтте.
Осрашыуҙа китап авторы - яҙыусы, журналист, «Ағиҙел» журналының баш мөхәррире, БР-ҙың атҡаҙанған мәҙәниәт хеҙмәткәре Мөнир Ҡунафин ҡатнашты. Шулай уҡ ҡәләмдәштәре: күренекле шағир, прозаик һәм журналист, БР-ҙың атҡаҙанған мәҙәниәт хеҙмәткәре, Салауат Юлаев ордены кавалеры Әхмәр-Ғүмәр Үтәбай, яҙыусы, уҡытыусы, публицист, БР-ҙың атҡаҙанған мәҙәниәт хеҙмәткәре һәм атҡаҙанған уҡытыусыһы Хәйҙәр Тапаҡов, шулай уҡ “Ватан һаҡсылары” дәүләт фондының социаль координаторы Гөлназ Заманова, МХО-ла ҡатнашыусы ир-егеттәр – Шәриф Ямантаев, Сәлимйән Италмасов, Фәрит Федоров, Өфө яғыулыҡ-энергетика колледжының Баймаҡ филиалы студент егеттәре ҡатнашты.
Сарала Мөнир Сәхиулла улы китаптың яҙылыу тарихы хаҡында һөйләне һәм хәрби хәрәкәттәр зонаһынан ҡайтҡандан һуңғы тәьҫораттары менән уртаҡлашты. Ул бер нисә тәүлек һалдаттар менән бергә үткәргәнен иҫенә төшөрөп һәм сәфәренә үкенмәүен һыҙыҡ өҫтөнә алды.
