Бәләбәй ҡалаһында йәшәгән Елена һәм Юрий Кондратьевтар 2005 йылда тәү тапҡыр хәстәрлеккә мохтаж баланы тәрбиәгә ала. Шунан алып улар 12 балаға атай-әсәй була – бишеһе үҙҙәренеке, ә етеһен Ғаилә тәрбиәһенә ярҙам итеү үҙәгенән алалар. Бөгөн үҙ балалары үҫеп аяҡҡа баҫҡан инде. Алевтина һәм Элеонора педагог профессияһын һайланы һәм үҙҙәрен балалар тәрбиәләүгә арнаны. Станислав сауҙа селтәрендә эшләй, Ангелина һөнәри белем ала, Вячеслав сығарылыш имтихандарына әҙерләнә. Тәрбиәгә алынған балалар ҙа һөнәр алып, үҙ аллы йәшәргә өйрәнә. Кирилл электрик булып эшләй, Елена балалар уҡыта. Дмитрий, Дина һәм Карина хәҙер айырым йәшәйҙәр. Кондратьевтар йортонда Диана һәм Эдуард ҡына ҡалған. Сәләмәтлектәрендә проблемалар булыуына ҡарамаҫтан, улар ҡаршылыҡтарҙы еңеп, яҡшы уҡырға, һәләттәрен асырға тырыша. Диана һүрәт төшөрөү, спорт менән мауыға, Эдуард мәктәп сараларында һәм ярыштарҙа әүҙем ҡатнаша. Ата-әсә ғаилә йылыһы биреүҙән тыш, уларҙы көслө, ярҙамсыл, йомарт итеп үҫтерергә, башҡаларҙы хөрмәт