Чăваш Енри Пайкилт ялӗнче Константин Иванова асăнса йывăç лартрӗç
Кăçал çу уйăхӗн 27-мӗшӗнче чăваш позийӗн классикӗ Константин Иванов çуралнăранпа 135 çул çитет. Пушкăртстанра Пелепей районӗнчи Слакпуç ялӗнче çут тӗнчене килнӗ поэт Чăваш Республикинче пурăнакан вулакансемшӗн яланах çывăх пулнă. Чылай çул унăн йăхӗ-тымарӗ Пушкăрт çӗрӗнченех тесе шутланă. Халӗ вара Канаш округӗнче пурăнакансем ăна ентеш тесе çирӗппӗнех калама пултараççӗ. Нумаях пулмасть тӗпчевçӗсем Константин Васильевичăн мăн аслашшӗ – Кашкăр – Канаш округӗнчи Пайкилт ялӗнчен пулнине тӗпчесе палăртнă.
