Билим берүү тармагына каржылоо үч эсеге көбөйтүлүп, чоң реформалар күтүлүүдө. Жаңы мектептер заманбап жабдуулар, лабораториялар жана спорт аянтчалары менен камсыздалат.
📚 Билим берүү тармагына каржылоо үч эсеге көбөйдү. 2020-жылы 37 миллиард сом бөлүнсө, 2024-жылы бул сумма 81 миллиард сомго жетти. Бул маалыматты Адылбек Касымалиев Талас шаарында мектептин курулушуна капсула салуу аземинде билдирди.
🏫 Кыргызстанда мектептердин жана социалдык объектилердин курулушу тынымсыз жүрүүдө. Бишкекте акыркы 5-6 ай ичинде 15 мектеп жана 3 бала бакча курулду. 2023-жылы өлкө боюнча 143 мектеп, ал эми 2024-жылы 190 мектеп курулмакчы.
🔬 Талас облусунда акыркы 2 жылда 23 мектеп жана 7 бала бакча курулду. Жаңы мектептер заманбап интерактивдүү такталар жана компьютердик жабдуулар менен камсыздалат. Окуучулардын так илимдерге болгон кызыгуусун арттыруу максатында химия, физика жана биология кабинеттерине атайын лабораториялар орнотулат.
⚽ Мектептин аймагында чоң стадион, тренажёр залы, футбол талаасы, волейбол жана баскетбол аянтчалары, воркаут зонасы жана балдар үчүн оюн аянтчасы курулат. Ошондой эле, 400 орундуу чоң актовый зал, ашкана жана эс алуу зоналары каралган.
🔒 Окуучулардын жана мугалимдердин коопсуздугу үчүн видеобайкоо камералары, өрт коопсуздук системалары жана медициналык кабинет орнотулат.