Башҡортостан Республикаһы аграрийҙары 2025 йылдың дүрт айында 4 миллиард һумға ауыл хужалығы техникаһы һатып алған. Был 2024 йылдың ошо уҡ осорона ҡарағанда 1,1 миллиард һумға күберәк. Был хаҡта төбәктең ауыл хужалығы министрлығынан хәбәр иттеләр. Ауыл хужалығын Рәсәйҙы яңы техникаһы һәм ҡорамалдары менән тәьмин итеү “Аҙыҡ-түлек хәүефһеҙлеген технологик тәьмин итеү” милли проектының (национального проекта “Технологическое обеспечение продовольственной безопасности”) маҡсаты булып тора – Республикала агросәнәғәт комплексының техник паркын яңыртыу дауам итә. Быйыл апрелгә тиклем 616 берәмек ауыл хужалығы техникаһы һатып алынды. Был 116 трактор, 12 иген йыйыу комбайны, 170-тән ашыу тупраҡ эшкәртеү машинаһы һәм башҡа техника, – тип хәбәр итте Хөкүмәт Премьер министры урынбаҫары – ауыл хужалығы министры Илшат Фәзрахманов. Бындай техник йыһазландырылған осраҡта Башҡортостан аграрийҙары сәсеүҙе оптималь ваҡытта үткәрә ала. Хәтерегеҙгә төшөрәбеҙ, Башҡортостанда агросәнәғәт комплексының техник