🎹 Фестываль арганнай музыкі «Ars Magna Organi» пройдзе ў Навагрудку і Іўі
З 31 мая па 13 верасня ў касцёлах Навагрудка і Іўя адбудуцца канцэрты ў межах V Фестывалю акадэмічнай арганнай музыкі Ars Magna Organi. Уваход на ўсе выступленні — вольны.
Фестываль у 2024 годзе пройдзе з 25 мая па 28 верасня ў розных гарадах Беларусі. Усяго запланавана 68 канцэртаў — на пяці гістарычных арганах, адным сучасным і адным электрааргане.
🪽 Навагрудак
Касцёл св. Арханёла Міхала (вул. Міцкевіча, 1)
З 31 мая па 13 верасня, па суботах у 19:00
Выступяць арганісты і ансамблі з Мінска, Віцебска, Наваполацка, Баранавіч
Арган — канца XIX ст., адзін з самых маленькіх гістарычных у Беларусі. Паходзіць з касцёла вёскі Ельня, пазней захоўваўся ў Навагрудку. Магчыма, створаны майстрам Іосіфам Радовічам.
📕 Іўе
Касцёл св. Пятра і Паўла (вул. К. Маркса, 51)
З 28 чэрвеня па 15 жніўня. Канцэрты ў 16:30 і 19:00
Арганісты, вакалісты, скрыпачы, гітарысты з Мінска.
Арган — Friedrich Weissenborn, 1899. Мае мяккія, насычаныя рамантычныя рэгістры, добра пасуе акустыцы касцёла.
Падрабязней канцэртную праграму можна паглядзець на сайце Гродзенскай дыяцэзіі.
