Өфөләге Еңеү паркында Бөйөк Ватан һуғышында Еңеүгә 80 йыл тулыу айҡанлы 76-сы еңел атлетика эстафетаһы булды. Йүгереүҙә спорт ветерандары, мәктәп, колледж, вуз уҡыусылары ҡатнашты. “Молодежная газета” хәбәрселәре эстафета старты алдынан студенттар менән аралашты. Өфө эшҡыуарлыҡ, экология һәм дизайн колледжы студенты Элина Хабибуллина эстафетала беренсе тапҡыр ҡатнаша һәм еңеүгә ынтыла, үҙенә еңел этап эләкте тип иҫәпләй. Ул I кластан еңел атлетика һәм полиотлон менән шөғөлләнә. Шуға еңел йүгереренә ышана. - Еңел эстафета бик мөһим, унда ҡатнаша алыуым өсөн бәхетлемен. Сөнки был спорт үҫеше генә түгел, илебеҙ өсөн алышҡан ветерандар, һуғышта һәләк булғандарҙы иҫкә алыу ҙа, - ти Элина. Автор: Карина Вәлиева. Сығанаҡ, фото: https://mgazeta.com/news/pobeda-80/2025-05-06/studenty-kolledzhey-ufy-probezhali-v-legendarnoy-estafete-pobedy-4225208