📰 У Раду па медыяэтыцы абралі рэдактарку Hrodna.life Ірыну Новік
Арганізацыі, што ўваходзяць у медыяасамблею, сфармавалі першы склад Рады па медыяэтыцы. Паводле вынікаў галасавання ў Раду абраныя Валер Карбалевіч, Зміцер Гурневіч, Ірына Новік, Лола Бурыева, Надзея Белахвосцік, Ганна Соўсь і Зоя Хруцкая, паведамляе @bajmedia
Сябры Рады прадстаўлены ў асабістай якасці і абавязваюцца прытрымлівацца прынцыпаў, выкладзеных у Дэкларацыі сябры Рады па медыяэтыцы.
Рада — гэта выбарны орган самарэгулявання незалежнага медыясектара Беларусі. Яна займаецца рэагаваннем на парушэнні прафесійнай этыкі і ўрэгуляваннем канфліктаў у журналісцкім асяроддзі.
Абіраюць Раду рэдакцыі і арганізацыі, якія далучыліся да Пагаднення аб самарэгуляванні і Кодэкса этыкі беларускіх журналістаў. Цяпер іх налічваецца 23.
