Курав цилиндр евӗрлӗ пурӗ 15 информаци стендӗнчен тӑрать.
Унта вӑрҫӑ Геройсен биографине, ҫапӑҫу ҫулне, мӗнле паттӑрлӑх тунине туллин ҫырса кӑтартнӑ.
Вырӑс, тутар, чӑваш, удмурт, мари, мордва, еврей, башкир тата ытти халӑх паттӑрӗсем кунта, пӗтӗмпе 42 ҫын историйӗ.
Вулатӑн та, тӗлӗнетӗн, пуҫа шӑнӑҫайми пысӑк паттӑрлӑх кӑтартнӑ вӗсем. Курава Тутарстанри чӑваш халӑхӗн 4 паттӑр ывӑлне кӗртни уйрӑмах савӑнтарать.