Ним çукран шартлама сивӗре çынсене окоп чавма кăларман
Теччӗ районӗнчи ЧНКА, районти Ветерансен канашӗ тӗрев панипе апрелӗн 30-мӗшӗнче Теччӗ районӗнчи Ильинское ялӗн масарӗнчи П.Н.Пилипер красноармеецăн вилтăпри умӗнче митинг иртрӗ. 1941-1942 çулсенче чавнă оборона линийӗсен пӗлтерӗшне палăртнипе пӗрлех, ӗç халăхӗ кăтартнă паттăрлăха аса илсе сума суни пулчӗ вăл.
Аслă Çӗнтерӗвӗн 80 çуллăхне халалланă митинга Теччӗри ЧНКА ертӳçи В.А. Тимофеев, районти Ветерансен канашӗн председателӗ О.М.Илларионова, Монастырское ял хутлăхӗн председателӗ А.А.Васин, ТР ЧНКА Канашӗн председателӗн пӗрремӗш çумӗ К.А.Малышев, «Сувар» тата Теччӗ районӗнчи «Авангард» хаçатсен тӗп редакторӗсем И.Ф.Трифоновăпа Е.В.Калашникова, Теччӗри тӗп библиотекăн сотрудникӗ М.А. Болденкова, А.С.Хохловпа О.Н.Евсеев таврапӗлӳçӗсем тата ял çыннисем хутшăнса чечек хучӗç.
