Башҡортостан аграрийҙары уңайлы көндәр көтөп ултырмай һәм яҙғы баҫыу эштәрен мөмкин тиклем ҡыҫҡа ваҡыт эсендә тамамлау өсөн бар көсөн һала. Был хаҡта Хөкүмәттең аҙналыҡ кәңәшмәһендә вице-премьер – ауыл хужалығы министры Илшат Фәзрахманов белдерҙе. Вице-премьер билдәләүенсә, алдағы ике көндә бер ни тиклем эшләргә була, әммә ял көндәрендә республикала йәнә ямғырлы һауа торошо фаразлана. "Шуға күрә һәр көнөбөҙҙө файҙаланабыҙ. Ҡыҫҡа вегетация осоро беҙгә 10 июндән һуң сәсергә мөмкинлек бирмәй. Шуға күрә беҙҙең эшләр өсөн бер ай ваҡыт ҡалды, һәр көндө файҙаланырға кәрәк”, — тине Илшат Фәзрахманов. Бөгөнгә Башҡортостандың бөтә райондары тиерлек иртә технологик операцияларҙы тамамлай. Планлаштырылған майҙандарҙың 99 процентында, йәғни 1104 мең гектарҙа дым ҡаплау үткәрелгән. Ужым культураларын туҡландырыу майҙандарҙың 94 проценттан ашыуында тамамланған (238 мең гектар). "Һауа шарттары буйынса республиканың Балтас, Балаҡатай, Борай, Иглин һәм Яңауыл райондары яҙғы сәсеүгә тотонмаған, 49 районд