⚡️TOSHKENT PEDIATRIYA TIBBIYOT INSTITUTI TALABASI "RESPUBLIKA INSHOLAR TANLOVIDA" QATNASHDI.
Bugun Talaba va o‘quvchilarning ijtimoiy faolligini oshirish markazida “Mahmudxo‘ja Behbudiy saboqlari” mavzusida o‘tkazilgan insholar tanlovining final bosqichi bo‘lib o‘tdi. Unda saralash bosqichlarida yuqori baholangan 100 dan ortiq insholar Hakamlar hay’ati tomonidan baholandi.
Insholarni baholashda mavzuni to‘laqonli ochib berilganligi, imloviy savodxonlik, so‘z boyligi va uslubiy mahorat, Behbudiyning faoliyati, g‘oyalari, Vataniga sadoqatini ochib berilganligi hamda muallifning xulosaviy fikrlari mavjudligi inobatga olindi va 100 ballik tizim bo‘yicha baholandi.
Hakamlar hay’atining yakuniy xulosasiga ko‘ra Toshkent pediatriya tibbiyot instituti, Tibbiy pedagogika va davolash fakulteti 101- DI talabasi Hilola Bahromjonova 2-o‘rin egaladi.
Talabamizni ushbu yirik g‘alaba bilan tabriklaymiz va unga kelgusidagi ilmiy izlanishlarida yuksak muvaffaqiyatlar tilaymiz!
