Binance негиздөөчүсү Чанпэн Чжао Кыргызстанга иш сапары менен келип, президент Садыр Жапаров менен жолугушуп, виртуалдык активдер жана блокчейн боюнча улуттук кеңештин жыйынына катышат.
🌟 Бүгүн, 3-майда, дүйнөдөгү эң ири криптовалюталык биржа Binance’тин негиздөөчүсү Чанпэн Чжао Кыргызстанга иш сапары менен келди.
👥 Чанпэн Чжаону «Иссык-Көл» эл аралык аэропортунда президенттин администрациясынын жетекчисинин орун басары Азамат Кадыралиев урмат-сый менен тосуп алды.
🤝 Иш сапарынын алкагында президент Садыр Жапаров менен Чанпэн Чжаонун ортосунда эки тараптуу сүйлөшүүлөр өткөрүлөт.
🔗 Чжао ошондой эле президенттин алдында түзүлгөн виртуалдык активдерди жана блокчейн технологияларын өнүктүрүү боюнча Улуттук кеңештин биринчи жыйынына катышат.
🚀 Бул иш сапары Кыргызстандагы блокчейн технологияларын жана виртуалдык активдерди өнүктүрүү үчүн маанилүү кадам болуп саналат.