Льготалы шарттарҙа кредит алған

Октябрьский ҡалаһынан шәхси эшҡыуар Радик Ғәлләмов металл конструкциялар һәм ҡойолған изделиелар өлкәһендәге бизнесын үҫтереү өсөн Башҡорт микрокредит компанияһынан 1,7 миллион һумлыҡ кредит алыуға иреште. Эшҡыуар продукция етештереү өсөн материалдар һатып алырға уйлай. Дәүләт ярҙамы “Һөҙөмтәле һәм конкурентлы иҡтисад” милли проекты арҡаһында тормошҡа ашырылған. — Түбән процентлы кредиттар ярҙамында эшҡыуарҙар етештереү процестарын камиллаштырып ҡына ҡалмай, яңы технологиялар һәм хәл итеү сараларын индереп, продукция ассортиментын киңәйтә ала. Микрофинанс ярҙамы күп яҡтан республикала МСП секторын үҫтереүҙең катализаторы булып тора һәм төбәктең иҡтисади үҫешенә булышлыҡ итә, тип билдәләне Башҡортостан Республикаһының эшҡыуарлыҡ һәм туризм министры Зөһрә Гордиенко. Радик Ғәлләмовтың оҫтаханаһы 2008 йылдан эшләп килә һәм әлеге ваҡытта баҙарға тәҡдим ителгән металл конструкцияларҙың төп төрҙәрен етештерә. Предприятиеның төп йүнәлеше айырым үлсәмдәргә ярашлы яҡшы тауыш изоляцияһы булған йылы тимер ишектәр етештереүгә йүнәлтелгән. Проект үҙенсәлекле ҡойолған изделиелары менән клиенттар араһында ла ихтыяж менән файҙаланған ышаныслы металл конструкциялары арҡаһында баҙарҙа билдәлелек яулап та өлгөргән. Шуны билдәләп үтергә кәрәк: «АНО Башҡорт микрокредит компанияһы» бәләкәй һәм урта эшҡыуарлыҡ субъекттарына, шулай уҡ үҙмәшғүл Башҡортостан граждандарына өс йылға тиклем эшҡыуарлыҡ кредиттары аша микрофинанс ярҙамы күрһәтеүсе дәүләт финанс учреждениеһы булып тора. Был эштәрҙең барыһы ла ил Президенты Владимир Путиндың ҡарары һәм “Һөҙөмтәле һәм конкурентлы иҡтисад” милли проекты (нацпроект “Эффективная и конкурентная экономика”) сиктәренә тормошҡа ашырыла. Фото: “Башинформ”