В ответ на пост
ФОТОФАКТ
1-кы Дьөппөн тыатыгар, Үүттээх бэскэ, "Аҕалар тэлбит суолларынан" Кэриэстэбил күнэ ыытылынна.
Бу суолунан биһиги биир дойдулаахтарбыт, дьоммут ким сэриигэ ыҥырыллыбыта, ким тыылга хаалбыттара. Кинилэри кэриэстээн 2020 сыллаахха, Кыайыы 75 сылыгар, биир дойдулаахпыт, ССРС спордун маастара Юрий Федоров туруорсуутунан, Сергей Прокопьев салайыытынан манна стела туруоруллубута.
Кыайыы күнүнэн нэһилиэкпит сэрии сылын оҕолоро, үлэ бэтэрээннэрэ, санаторнай оскуола-интэринээт байыаннай кулуубун кыттыылаахтара, сэлиэнньэ олохтоохторо Кэриэстэбил күнүгэр кытыннылар. Элбэх ахтыы кэпсэннэ, история кэрэһиттэрэ кэпсээбиттэрэ көлүөнэттэн көлүөнэҕэ кэпсэнэн хаалан истин диэн баҕа санаалаах тарҕастыбыт. Ким да умнуллубат, туох да умнуллубат!
Анастасия Мордовская, Тиит Эбэ с.