Юк, онытмабыз! Китте әти, эне-абыйлар, Урыннары – салкын окоплар. Җиңү көнен зарыгып көтә: Хатын, бала, барча аналар. Һәрбер ана укый догасын, Юксынып ла газиз баласын. Барыбызда безнең бер теләк: Дошман уты өскә яумасын! Ә дошман ул – һаман аяусыз, Күктән торып эзли солдатны. Баш очыннан үтә снаряд, Кан, төтенгә күмеп дөньяны. Өзелә шул япь-яшь гомерләр, Яшиселәр бик-бик килсә дә. Ятим кала сабый балалар: “Әтием, исән кайт!”–дисә дә. Җиңү шунда – кайда дөреслек! Килер безгә, килер тынычлык. Тик әлегә, батыр сугышчы, Ватан сорый синнән уяулык! Онытмабыз сезне, Геройлар – Мәңгелеккә ятып калганнар. Каберләргә чәчәк бәйләмен Киләчәк буыннар куярлар. Рузинә Габидуллина, Базарлы Матак.
Юк, онытмабыз!
Китте әти, эне-абыйлар,
Урыннары – салкын окоплар.
Җиңү көнен зарыгып көтә:
Хатын, бала, барча аналар.
Һәрбер ана укый догасын,
Юксынып ла газиз баласын.
Барыбызда безнең бер теләк:
Дошман уты өскә яумасын!
Ә дошман ул – һаман аяусыз,
Күктән торып эзли солдатны.
Баш очыннан үтә снаряд,
Кан, төтенгә күмеп дөньяны.
Өзелә шул япь-яшь гомерләр,
Яшиселәр бик-бик килсә дә.
Ятим кала сабый балалар:
“Әтием, исән кайт!”–дисә дә.
Җиңү шунда – кайда дөреслек!
Килер безгә, килер тынычлык.
Тик әлегә, батыр сугышчы,
Ватан сорый синнән уяулык!
Онытмабыз сезне, Геройлар –
Мәңгелеккә ятып калганнар.
Каберләргә чәчәк бәйләмен
Киләчәк буыннар куярлар.
Рузинә Габидуллина, Базарлы Матак.
