Саҡмағош районында Бөйөк Еңеүҙең 80 йыллығын Бөйөк Ватан һуғышында ҡатнашҡан өс ветеран – Рифғәт Фаяз улы Баянов, Нәзиб Нәзиф улы Әзмәтов, Мират Хәнәфи улы Лоҡманов ҡаршылай. – Ҡәҙерле ветерандарҙы оло ихтирам тойғоһо менән байрам менән ҡотланыҡ. Уларға “Саҡмағош районы алдындағы хеҙмәттәре өсөн” күкрәк билдәләре һәм бүләктәр тапшырҙыҡ, Еңеү яҙы хөрмәтенә алмағастар ултырттыҡ. Бөгөн беҙҙең өсөн ветерандар – бөйөк быуын менән аралашыу ҙур ғорурлыҡ. Йола буйынса, уларҙың ихатаһында байрам концерты ойошторҙоҡ, айырым тантаналы мөхит тыуҙырҙыҡ, фронт һәм хеҙмәт батырлыҡтары өсөн сикһеҙ рәхмәтебеҙҙе белдерҙек. Улар беҙҙең өсөн сыҙамлыҡ һәм батырлыҡ, тырышлыҡ һәм Тыуған илгә һөйөү өлгөһө булып тора. Уларҙың батырлыҡтарын иҫтә тотоу һәм хөрмәт итеү – беҙҙең изге бурысыбыҙ, – тип белдерҙе Саҡмағош районы хакимиәте башлығы Реканс Йәмәлиев. Ветерандарҙы тәбрикләү сараларында Башҡортостан Республикаһының Дәүләт Йыйылышы – Ҡоролтай депутаттары Альберт Лоҡманов һәм Вадим Соколов, район Советы рәй