Бишкекте Чернобыль авариясынын 39 жылдыгына арналган митинг-реквием өттү. Иш-чарага ардагерлер, жергиликтүү бийлик өкүлдөрү катышып, курман болгондорго урмат көрсөтүлдү. Чернобыль жабырлануучуларына 1 730 000 сом бөлүндү.
🕊️ Бишкекте, 2025-жылдын 26-апрелинде, Чернобыль атомдук электростанциясындагы кырсыктын кесепеттерин жоюунун 39 жылдыгына арналган митинг-реквием Ю. Фучик атындагы паркта өттү.
👥 Иш-чарага Бишкек шаарынын вице-мэри Жамалбек Ырсалиев, КРдин эмгек, социалдык камсыздоо жана миграция министринин биринчи орун басары Ализа Солтонбекова, Бишкек шаардык кеңешинин депутаттары, райондук администрациянын өкүлдөрү жана «Чернобыль союзу» коомдук бирикмесинин мүчөлөрү катышты.
🎵 Церемония ликвидаторлордун эстелигине гүлчамбар коюу менен башталып, «Жалгыз аялдын үнү» музыкалык композициясы жаңырды. Андан соң каза болгондордун урматына бир мүнөттүк унчукпай туруу жана КР Улуттук гвардиясынын ардактуу кароол ротасы үч жолу куралдуу салют берди.
🗣️ Ленин районунун башчысы Жыргалбек Шакиев Чернобыль авариясынын ликвидаторлорунун эрдигин эскерүүнүн маанилүүлүгүн белгилеп, митинг-реквиемди ачты.
🙏 Жамалбек Ырсалиев негизги кайрылуусунда ардагерлерге жана алардын үй-бүлөлөрүнө радиациялык коркунучтун шарттарында көрсөткөн эрдиги жана кайраттуулугу үчүн терең ыраазычылык билдирди.
📊 Бишкек шаарындагы социалдык өнүгүү органдарында Чернобыль АЭСиндеги кырсыктын кесепеттеринен жабыркаган 267 адам каттоодо турат. Алардын ичинде 79 ликвидатордун жесири, 171 Чернобыль майыбы жана 17 аварияны жоюуга катышкан адам бар.
💰 Чернобылдыктарды колдоо максатында Бишкек шаарынын жергиликтүү бюджетинен 1 730 000 сом өлчөмүндө каражат бөлүнүп, 171 Чернобыль майыбына жана 17 катышуучуга 5 000 сомдон, 79 ликвидатордун жесирине 10 000 сомдон төлөндү.