Нарын облусунун башчысы Алтынбек Эргешов "Азык" социалдык борборуна барып, балдардын өнүгүүсүнө жана ата-энелердин колдоосуна басым жасады. Борборго жаңы кызматкерлерди тартуу маселеси талкууланды.
🎯 Нарын облусунун башчысы Алтынбек Эргешов 2025-жылдын 24-апрелинде Баетово айылындагы “Азык” социалдык борборуна иш сапары менен барып, борбордун ишмердүүлүгү жана иш шарттары менен таанышты.
👶 “Азык” социалдык борборунда 6 жаштан 15 жашка чейинки аутизм, психо-мотордук өнүгүү кечигүүсү, ДЦП жана башка оорулар менен жабыркаган балдар тарбияланат. Учурда борбордо 15 бала бар.
🏢 Социалдык борбор эски мектептин имаратында жайгашкан. Бул имаратты 2017-жылы жергиликтүү администрациянын чечими менен өзгөчө балдар үчүн борбор катары колдонуу чечими кабыл алынган. 2020-жылы Айзат Эсенбек кызынын жетекчилиги жана кайдыгер эмес жарандардын колдоосу менен борбор кайрадан ишке кирген.
💼 Борбордо эки кызматкер жергиликтүү демөөрчүлөр тарабынан төлөнгөн 5000 сом айлыкка иштейт. Алтынбек Эргешов социалдык борборлордун маанилүүлүгүн белгилеп, кызматкерлерге жана коомдук активисттерге ыраазычылык билдирди.
👐 Облус башчысы өзгөчө балдардын ата-энелери материалдык жардамга муктаж экендигин жана мамлекет аларга ай сайын жөлөк пул төлөп, реабилитациялык программаларды иштеп чыгуунун үстүндө иштеп жатканын айтты. Комплекстүү мамиле керектигин жана башка мамлекеттик органдар менен бирге иштөө зарылдыгын белгиледи.
📺 Алтынбек Эргешов борбордун кызматкерлери менен жаңы штаттык бирдиктерди ачуу мүмкүнчүлүгүн талкуулады жана борборго телевизор белек кылууга убада берди. Нарын облусунда 18 жашка чейинки 1813 мүмкүнчүлүгү чектелген бала катталган, анын ичинен 182си Ак-Талаа районунда жашайт.