Кисә Төркиәнең Истанбул ҡалаһында көслө ер тетрәү теркәлгән. Мәскәү ваҡыты менән 12.13 сәғәттә - 3,9 магнитудалы һәм 12.49 сәғәттә 6,2 магнитудалы ҡеүәтле ер тетрәүҙәре теркәлгән. 13.03 тә тетрәүҙең йәнә береһе күҙәтелгән. Ер тетрәүҙең үҙәге Мәрмәр диңгеҙендә Истанбулдың Силиври районы янында булған. Ер аҫты тетрәүҙәре ҡаланың төрлө раойондарында һиҙелгән. Йорт йыһаздары һелкенгән, халыҡ урамдарға йүгереп сыҡҡан. Сейсмолог Әхмәт Эрджан фараздары буйынса, был тетрәү әле ерҙең энергия сығарыуы ғына, Истанбулда күптән көтөлгән көслө ер тетрәүҙең хәбәрсеһе булырға ла мөмкин. Сығанаҡ: "Интертат" Автор фотоһы