Министрлик дыйкандарга агролесоводство схемасын сунуштайт. 10 сотыхта 80 черешня дарагы жана 330 карагат бадалы киреше алып келет. Жалпы чыгым 98 000 сом, киреше 560 000 сомго чейин жетет.
🌱 Кыргызстандын Айыл чарба министрлиги фермерлерге жана жер ээлерине агролесоводство схемасын колдонууга кеңеш берет. Бул ыкма менен бир участокто черешня жана карагат өстүрүп, эки өсүмдүктөн да туруктуу киреше алууга болот.
🌳 10 сотых жерге 3×4 метр схемасы менен 80 черешня дарагын жана 2×1,5 метр схемасы менен 330 карагат бадалын отургузууга мүмкүн. Бул ыкма бош жерлерди азайтып, жердин өндүрүмдүүлүгүн жогорулатат, бул узак мөөнөттүү жана туруктуу айыл чарба иштеринде маанилүү.
💰 Бак отургузууга кеткен чыгымдар: 80 черешня көчөтү — 32 000 сом, 330 карагат көчөтү — 39 000 сом, топурак анализи — 1 000 сом, участокту даярдоо — 1 000 сом, тамчылатып сугаруу системасы — 24 000 сом, минералдык жер семирткичтер — 1 000 сом. Жалпысы: 98 000 сом.
🍒 Биринчи жылы карагаттан 300 кг жемиш жыйнап, орточо баада 60 000 сомго чейин киреше алууга болот. Үчүнчү жылдан баштап черешня бактары туруктуу түшүм берип, жыл сайын 2,5 тоннага чейин түшүм алууга мүмкүн. Орточо базар баасы килограммына 200 сом болсо, жылына 500 000 сомго чейин киреше алууга болот.
📚 Министрлик ар кандай аймактарга ылайыкталган черешня жана карагат сорттору боюнча кошумча маалыматты ведомствонун расмий булактарынан алууга болорун белгиледи.