Апрель вӗçӗнче ӗç эрни кӗске пулать
Тутарстанра çитес эрнере пилӗк кун ӗçлекенсен ӗç эрни кӗске пулнине республикӑри производство календарӗ çирӗплетет.
Çитес эрнере виçӗ кун çеç – апрелӗн 28-мӗшӗнчен пуçласа 30-мӗшӗччен – ӗçлӗпӗр. Майӑн 1-мӗшне (Çуркуннепе Ӗç уявне) паллă тунипе çыхăннă ку. Унсӑр пуçне Тутарстанра пурӑнакансем майӑн 2-мӗшӗнче (январӗн 4-мӗшне куçарнипе) канаççӗ.
Тепӗр эрнери юлашки ӗç кунӗ, апрелӗн 30-мӗшӗ, уяв умӗн пулнăран кӗске пулать. Çавӑнпа çак кун пӗр сехет сахалтарах ӗçлӗпӗр, ӗç укçи тӳленӗ чухне нимӗн те çухатмăпăр.
