Алдан хәбәр итеүебеҙсә, Өфөлә 30 майҙан 1 июнгә тиклем “Китап байрамы” халыҡ-ара йәрминкәһе уҙғарыла. Уның барышында “Урал батыр ерендә йыл китабы” халыҡ-ара конкурсында еңеүселәр билдәләнә. Ойоштороусылары — Башҡортостандың Матбуғат һәм киң мәғлүмәт саралары агентлығы, Мәҙәниәт министрлығы һәм Зәйнәб Биишева исемендәге “Китап” нәшриәте. Был конкурстың төп маҡсаты – иң яҡшы социаль әһәмиәтле һәм талантлы әҫәрҙәр яҙған авторҙарҙы асыҡлау, “иң-иң” әҙәбиәт өлгөләрен популярлаштырыу, иң һәйбәт нәшерселек проекттарына ярҙам итеү, республикабыҙҙың, нәшриәттәребеҙҙең абруйын күтәреү, Башҡортостанда баҫылған китаптарҙы дөйөм Рәсәй баҙарына сығарыу. Ижади бәйгегә бынан бер йыл алда донъя күргән, шулай уҡ быйыл беренсе кварталда сыҡҡан баҫмалар ҡабул ителә. Башҡортостандың Матбуғат һәм киң мәғлүмәт агентлығы етәксеһе Максим Ульчев әйтеүенсә, конкурста ҡатнашыуға ғаризалар Рәсәйҙән, шулай уҡ сит ил нәшриәттәре һәм полиграфия предприятиеларынан ҡабул ителә. Был ғәмәл 20 мартта башланған, 10 майға