Кыргыз улуттук академиялык опера жана балет театрында 10-майда "Материнское поле" балет-ораториясы көрсөтүлөт. Ч.Айтматов менен К.Молдобасановдун чыгармасы Улуу Ата Мекендик согушта күйөөсүн жана үч уулун жоготкон Толгонайдын драмасын чагылдырат.
🎭 Кыргыз улуттук академиялык опера жана балет театрында 10-майда Улуу Жеңиш күнүнө арналган “Эненин талаасы” аттуу балет-ораториясы көрсөтүлөт.
📚 “Эненин талаасы” – кыргыз искусствосунун көрүнүктүү ишмерлери Чыңгыз Айтматов жана композитор Калый Молдобасановдун чыгармачылыгынын чокусу.
🏆 1975-жылы Чыңгыз Айтматовдун ошол эле аталыштагы повестинин негизинде жаралган бул балет, 1976-жылы СССРдин Мамлекеттик сыйлыгына татыктуу болуп, кийинчерээк мурдагы СССРдин жана чет өлкөлөрдүн көптөгөн театрларында коюлган.
🎭 Жөнөкөй кыргыз аял Толгонайдын драмалык тагдыры, Улуу Ата Мекендик согушта күйөөсү жана үч уулун жоготкон окуясы, Кыргыз Республикасынын эл артисти Уран Сарбагышевдин койгон сахналаштырылган чыгармасында таасирдүү чагылдырылган.
🎼 Дирижерлукту Кыргыз Республикасынын эл артисти Нурматбек Полотов аткарат.
🎶 Башкы хормейстер – Карагул Тиленчиев.