26 апрелдә Башҡорт теленән халыҡ-ара диктант башлана

Башҡорт телен һаҡлау, популярлаштырыуға йүнәлтелгән мәғрифәтселек акцияһы быйыл 11-се тапҡыр үткәрелә. Ул 26 апрелдә старт ала һәм 28 апрелгә тиклем дауам итәсәк. 26 апрель сәғәт 11-ҙә Башҡортостан юлдаш телевидениенда тура эфир башлана. Уның барышында дикторҙар диктанттың өс вариантын уҡыясаҡ: башҡорт телен башлап өйрәнеүселәр, яҡшы белеүселәр һәм көньяҡ-көнбайыш диалектында һөйләшеүселәр өсөн. 2025 йылда текст темалары Ватанды һаҡлаусыларға, Бөйөк Ватан һуғышында Бөйөк Еңеүҙең 80 йыллығына, тыныслыҡ һәм берҙәмлеккә арналған. Башҡорт теленән диктантты, ғәҙәттәгесә, ике төрлө яҙып була. Офлайн форматҠасан: 26 апрелдә теркәлеү үткән майҙансыҡтарҙаҠайҙа: 26 апрелдә М.Аҡмулла исемендәге Башҡорт дәүләт педагогия университетында, Өфө фән һәм технологиялар университетында, Башҡортостан Республикаһының Мәғарифты үҫтереү институтында, Башҡортостандың Милли музейында, Дәүләт Йыйылышы-Ҡоролтайҙа, Ә.З.Вәлиди исемендәге Милли китапханала, Өфө күп профилле һөнәри колледжында, Рәсәй Фәндәр академияһы Өфө федераль тикшеренеүҙәр үҙәгенең Тарих, тел һәм әҙәбиәт институтында, Өфө ҡала хакимиәтенең мәғариф идаралығында, 28 апрелдә - “Йәшлек House” йәштәр йортонда төп майҙансыҡтар ойошторола.Офлайн майҙансыҡтарҙы теләгән мәҙәни, белем биреү ойошмаһы, төрлө предприятиелар ҙа ойоштора ала. Бының өсөн 10 апрелдән 25 апрелгә тиклем bashdictant.ru сайтында майҙансыҡты теркәргә кәрәк.Ҡатнашыусылар: Офлайн-майҙансыҡтарҙа диктант яҙырға теләгән һәр бер кеше ҡатнаша ала, уларға 10-25 апрелдә bashdictant.ru сайтында теркәлеү үтергә кәрәк.Эштәрҙе тикшереү: Эштәрҙе майҙансыҡтарҙы ойоштороусыларға ҡалдырырға, улар артабан эксперттарға тапшыра.Онлайн форматҠасан: 26 апрелдән 28 апрелгә тиклем. 26 апрелдә 11 сәғәттә Башҡорт юлдаш телевидениеһында, акцияның рәсми сайтында, акцияны ойоштороусыларҙың социаль селтәрҙәре сәхифәләрендә тура эфир башлана. Уның барышында дикторҙар диктанттың өс вариантын уҡый (башлап өйрәнеүселәр, яҡшы белеүселәр һәм көньяҡ-көнбайыш диалектта һөйләшеүселәр өсөн). Эфир тамамланғандан һуң яҙма bashdictant.ru сайтына, https://vk.com/bash_tv, https://vk.com/bash_fond сәхифәләренә ҡуйыласаҡ. Теләүселәр был яҙмаларҙы ҡарап диктантты һуңыраҡ та яҙа ала.Ҡайҙа: интернет селтәренә инеү мөмкинлеге булған урынҠатнашыусылар: теләгән кеше ҡатнаша ала, теркәлеү кәрәкмәйЭштәрҙе тикшереү: диктанттарҙың фотоһын (сканын) t.me/bash_dictant_bot телеграм-ботына йәки bashdictant2025@yandex.ru электрон почтаһына ебәрергә кәрәк.Акцияла ҡатнашыусыларҙың эштәрен тикшергән экспертҡа кандидаттар 2025 йылдың 10 апреленән 18 апреленә тиклем диктанттың рәсми сайтында теркәлеү үтергә тейеш. Талаптар буйынса, экспертҡа кандидат булырға теләүсенең дәүләт өлгөһөндәге документ менән раҫланған педагогик йәки филологик белеме, күрһәтелгән өлкәлә ике йыллыҡ эш стажы булырға тейеш.Диктантта ҡатнашыусыларға сертификаттар электрон почтаға йә телеграм-боттан ебәреләсәк.Акцияның рәсми һөҙөмтәләре 30 көн арауығында https://bashdictant.ru/ сайтында баҫтырылып сығасаҡ. Ойоштороусылар: Башҡорт телен һаҡлау һәм үҫтереү буйынса автономиялы коммерцияға ҡарамаған ойошма, Башҡортостан Республикаһы Мәғариф һәм фән министрлығы, Башҡортостан Республикаһы Мәҙәниәт министрлығы, Башҡортостан Республикаһы Матбуғат һәм киң мәғлүмәт саралары агентлығы, Өфө фән һәм технологиялар университеты, «Бөтә донъя башҡорттары ҡоролтайы (конгресы)» йәмәғәт берекмәләренең халыҡ-ара берлеге. Айрат Нурмөхәмәтов фотолары. #башҡорттелендәдиктант#башдиктант#башдиктант2025#диктантпобашкирскомуязыку#башҡортсадиктантяҙам