Бөгөн Евразия ғилми-мәғариф үҙәгенең Өфөләге йортонда Башҡортостан Республикаһының Йәмәғәт палатаһы “2024 йылда Башҡортостан Республикаһындағы гражданлыҡ йәмғиәтенең торошо” тип аталған йыл һайын ойошторолоп килгән матбуғат конференцияһын үткәрҙе. Сараны БР Йәмәғәт палатаһы рәйесе Данияр Абдрахманов алып барҙы. Уның сығышында билдәләнеүенсә, докладта гражданлыҡ йәмғиәтенең былтырғы үҫешенең көнүҙәк тенденциялары теркәлгән һәм анализланған. Унда Йәмәғәт палатаһының һәр комиссияһының эшмәкәрлеге буйынса йомғаҡлау, 2025 йылға перспективалы йүнәлештәр, муниципаль йәмәғәт палаталарының иң яҡшы ғәмәле, республика башҡарма власть органдары ҡарамағындағы йәмәғәтселек советтарының, коммерцияға ҡарамаған берекмәләрҙең эшмәкәрлеге күрһәтелгән. Докладтың айырым бүлеге гражданлыҡ йәмғиәтенең махсус хәрби операцияла ҡатнашыусыларға һәм уларҙың ғаиләләренә, Рәсәйҙең яңы төбәктәренә ярҙам буйынса индергән өлөшөнә бағышланған. Данияр Мәүлейәр улы, шулай уҡ Йәмәғәтселек палатаһы аппараты етәксеһе Элина