3-майда Ысык-Көл жээгинде «ТУРИЗМ 2030: Борбордук Азия – бирдиктүү туристтик мейкиндик» форуму өтөт. Иш-чарага UNWTO өкүлдөрү, Казакстан, Өзбекстан, Кытай жана башка өлкөлөрдөн делегациялар катышат. Программада заманбап туристтик тренддер жана Борбордук Азиянын өнүгүү келечеги талкууланат.
🌍 3-майда Ысык-Көл жээгинде “ТУРИЗМ 2030: Борбордук Азия – бирдиктүү туристтик аймак” аттуу эл аралык туристтик форум өтөт. Бул иш-чара туризмди өнүктүрүү фондунун колдоосу менен уюштурулуп, дүйнөнүн ар кайсы бурчунан келген туризм адистерин жана өкүлдөрүн чогултат.
👥 Форумга БУУнун Дүйнөлүк туристтик уюмунун Европа жана Борбордук Азия боюнча директору Кордула Войлмутер катышат. Ошондой эле Казакстан, Өзбекстан, Кытай, Азербайжан жана Бириккен Араб Эмираттарынан делегациялар жана спикерлер күтүлүүдө.
📈 Форумдун программасы заманбап туристтик тенденцияларды, Борбордук Азиянын бирдиктүү туристтик аймак катары өнүгүү келечегин жана туризм жаатындагы стартаптарды колдоону камтыйт.
🎉 Форум TourismFest чоң туристтик фестивалынын алкагында өтөт. Ошол эле күнү ипподромдо туристтик бизнес, кол өнөрчүлөр жана аймактык өндүрүүчүлөр катышкан туристтик жарманке болот. Коноктор туристтик продукттар, улуттук сувенирлер жана жергиликтүү продукция менен тааныша алышат.
🤝 Форум жана фестивалдын өткөрүлүшү туризм жаатындагы эл аралык кызматташтыкты чыңдоого, Борбордук Азияны саякат үчүн жагымдуу багыт катары илгерилетүүгө жана ички туризмди өнүктүрүүгө багытталган.