Кыргызстандын маданият министри Мирбек Мамбеталиев менен Азербайжандын маданият министри Адил Каримли 2025-2026-жылдарга маданий кызматташтыкты өнүктүрүү боюнча жол картасына кол коюшту. Тарыхый жана руханий баалуулуктарга негизделген кызматташтыкты бекемдөө максатында биргелешкен долбоорлор талкууланды.
🎭 Кыргызстандын маданият министри Мирбек Мамбеталиев менен Азербайжандын маданият министри Адил Каримлинин эки тараптуу жолугушуусу 21-апрелде Кыргызстандын Улуттук тарых музейинде өттү. Жолугушуунун жыйынтыгында 2025-2026-жылдарга маданий кызматташууну өнүктүрүү боюнча расмий планга кол коюлду.
🤝 Министрлер Кыргызстан менен Азербайжандын ортосундагы тарыхый жана руханий баалуулуктардын окшоштугун белгилеп, бул баалуулуктар маданий-гуманитардык диалогду өнүктүрүүнүн бекем негизи болуп жатканын баса белгилешти.
🎬 Бакуда кыргыз көркөм тасмасы “Энелердин таманы алдындагы бейиш” ийгиликтүү көрсөтүлүп, көрүүчүлөрдүн жогору баасына ээ болду. Учурда фильмдин уландысы боюнча иштер жүрүп жатат.
🎭 Азербайжандын мамлекеттик пантомима театры 2024-жылдын декабрында Бишкекте гастролдоп, Чыңгыз Айтматовдун “Манкурт” жана Гусейн Джавиддин “Иблис” чыгармалары боюнча спектаклдерди койду.
🎭 Кыргыз драматургу Кайрат Иманалиевдин “Коркут Ата” чыгармасы боюнча спектакль Бакуда Азербайжан театрында апрель айынын башында көрсөтүлдү.
🇦🇿 Азербайжандын маданият министри Адил Каримли Кыргызстанда Азербайжандын Маданият күндөрү алкагында жүрөт, бул эки элдин ортосундагы маданий байланыштарды чыңдоого багытталган.