Сит ил граждандары 1 июлгә тиклем SIM-карталарын яңынан теркәргә тейеш

Сит ил кешеләре өсөн SIM-карталар һанына лимит - 10 дана. 2025 йыл башынан Рәсәйҙә индерелгән яңы ҡағиҙәләргә ярашлы, сит ил граждандары һәм гражданлығы булмаған кешеләр мобиль элемтәгә килешеүҙәр төҙөгәндә Дәүләт хеҙмәттәре һәм берҙәм биометрик система аша шәхесен раҫларға бурыслы. 2025 йыл башына тиклем алынған SIM-карталарҙы 1 июлгә тиклем яңынан теркәргә кәрәк, юғиһә уларҙы ғәмәлдән сығаралар. Карталар һаны күберәк булған осраҡта, улар ундан артмаҫҡа һәм килешеүҙәрҙе яңынан рәсмиләштерергә тейештәр. Дипломаттар һәм халыҡ-ара ойошма хеҙмәткәрҙәренә генә был ҡағиҙә ҡағылмай. Рәсәйҙәр өсөн лимит - 20 SIM-карта. Кеҫә телефоны балансын ҡулаҡса менән аноним тулыландырыу мөмкин булмаясаҡ. Хәҙер иҫәпкә аҡса һалыу өсөн паспорт йәки ЕСИА ҡулланыу кәрәк. Корпоратив SIM-карталар компания хеҙмәткәрҙәренә генә бирелә. Роскомнадзор 10 000-дән ашыу яҙылыусыһы булған блогерҙарҙың һәм каналдарҙың реестрын булдырған, уларҙан үҙе тураһында мәғлүмәт биреүҙе һәм баҫылған мәғлүмәттәрҙең дөрөҫлөгөнә яуаплылыҡты талап итә. Мутлашыу менән көрәшеү маҡсатында мессенджерҙар аноним хәбәрҙәрҙе һәм шылтыратыуҙарҙы ҡулланыусының ризалығынан тыш ҡабул итмәүҙе булдырырға тейеш. https://mgazeta.com/news/novosti/2025-04-28/inostrannye-grazhdane-dolzhny-do-1-iyulya-pereoformit-sim-karty-4216729