Мамлекеттик органдар дебюрократизация аркылуу үнөмдөлгөн каражаттарды өз алдынча пайдалана алат. Бул чечим мамлекеттик кызматкерлердин мотивациясын жогорулатуу жана иш шарттарын жакшыртуу максатында кабыл алынган.
🇰🇬 Кыргыз Республикасынын Юстиция министрлиги билдиргендей, дебюрократизациянын натыйжасында үнөмдөлгөн каржылык каражаттар мамлекеттик органдардын өз карамагында калтырылат.
💼 2025-жылдын 15-апрелинде мамлекеттик кызматты дебюрократизациялоо боюнча Эки тараптуу комиссиянын экинчи жыйынында, министрликтин жана НИСИнин сунуштары каралып, үнөмдөлгөн каражаттарды мамлекеттик органдардын өз карамагында калтыруу чечими кабыл алынды.
📈 Бул чечим мамлекеттик кызматкерлердин мотивациясын жогорулатуу жана мамлекеттик сектордогу иш шарттарын туруктуу жакшыртуу үчүн экономикалык негиз түзүү максатын көздөйт.
🎯 Үнөмдөлгөн каражаттар эң натыйжалуу кызматкерлерди сыйлоого, мамлекеттик кызматкерлердин квалификациясын жогорулатууга жана иш шарттарын жакшыртууга, анын ичинде материалдык-техникалык жабдууларды жакшыртууга жана кеңсе инфраструктурасын модернизациялоого багытталат.
🔄 Бул чаралар мамлекеттик органдардын ишинин сапатын жогорулатууга жана бюрократиялык жүктү азайтууга көмөктөшөт.