В ответ на пост
Борис Павлов-Кэм: “Хаҥаластар алгыстарын ыллым!” диэн ыалдьыппыт бу киэһээ бэйэтин телеграм-ханаалыгар эппитин ааҕан астынным
СӨ үтүөлээх суруналыыһын, суруйааччыны, «Көмүөл» кинигэ кыһатын дириэктэрин, «2022-2023 сс. биеннале-бириэмиэйэ аччыгый прозаҕа” Василий Белов аатынан Москватааҕы литературнай бириэмийэ хаһаайына Борис Павлов-Кэми кытары көрсүһүү, иһитиннэрбиппит курдук, улуустааҕы бибилэтиэкэҕэ буолан ааста.
Бу тэрээһини хаһыаппыт редакцията, Россия суруналыыстарын сойууһун Хаҥаластааҕы салаата бибилэтиэкэбитин кытары кыттыһан ыытта. Манна “Өлүөнэ долгуннара” литературнай кулууп чилиэннэрэ, прозаны, поэзияны сэргээччилэр, хаһыаппыт общественнай кэрэспэдьиэннэрэ, ону сэргэ Покровскай 1 №-дээх орто оскуолатын үөрэнээччилэрин бөлөҕө кытыннылар.
Людмила АММОСОВА, "Хаҥалас" хаһыат.
