ФОТОВИДЕОФАКТ
Бүгүн Покровскайга Киин бибилэтиэкэҕэ хаһыаппыт редакциятын уонна улуустааҕы бибилэтиэкэ кыттыгас тэрээһинэ - "Көмүөл" кинигэ кыһатын дириэктэрэ, СӨ үтүөлээх суруналыыһа, "2022-2024 сс. Москватааҕы литературнай биеннале-бириэмийэ" аччыгый прозаҕа Василий Белов аатынан бириэмийэ хаһаайына, суруйааччы Борис Павловы-Кэми кытта бэрт истиҥ көрсүһүү уонна кини соторутааҕыта таһаарбыт "Атах балай" саҥа кинигэтин биһирэмэ ыытылынна.
Көрсүһүүгэ кыттыбыт улууспут суруйааччылара, литературнай түмсүү кыттыылаахтара, айар үлэҕэ холонор эдэр оҕолор ыалдьыты кытта атах тэпсэн олорон араас хабааннаах ыйытыы биэрэн, эппиэт-харда ылан, санаа атастаһан астынан тарҕастылар.
Сиһилии хаһыат кэлэр нүөмэригэр ааҕыҥ.
Ольга Гермогенова, «Хаҥалас» хаһыат.
Видеоҕа устуута уонна хаартыскаҕа түһэриитэ Наталья Григорьева.
