Бишкекте "Бишкектеплосеть" ишканасынын кызматкерлери үчүн каржылык сабаттуулук боюнча семинар өттү. Иш-чарада жеке финансы башкаруунун негиздери, бюджет жүргүзүү, сактоолорду түзүү жана инвестициялоо боюнча практикалык кеңештер берилди.
📚 Бишкек шаарында Улуттук банк мэриянын колдоосу менен «Бишкектеплосеть» муниципалдык ишканасынын кызматкерлери үчүн каржылык сабаттуулук боюнча семинар өткөрдү.
💡 Семинардын максаты – жарандардын жеке финансы башкаруунун негизги принциптери боюнча маалымдуулугун жогорулатуу жана каржылык коопсуздук жаатында туруктуу көндүмдөрдү калыптандыруу.
📊 Иш-чаранын алкагында катышуучулар каржылык сабаттуулук деген эмне экенин билип, өлкөдө аны өнүктүрүүгө багытталган негизги мамлекеттик программалар менен таанышышты.
📝 Практикалык бөлүктө жеке бюджетти жүргүзүү, сактык топтоо, карыз каражаттарын негиздүү пайдалануу, инвестициянын негиздери жана каржылык коопсуздук чаралары боюнча темалар талкууланды.
🌐 Катышуучуларга өз алдынча үйрөнүүгө мүмкүн болгон электрондук ресурстар боюнча маалымат берилди.
💬 Семинар интерактивдүү формада өтүп, катышуучулар активдүү суроолорду берип, өз ой-пикирлерин бөлүштү.
👥 Иш-чарага жалпысынан 50гө жакын адам катышты.
🏦 Улуттук банк өлкөнүн ар кайсы аймактарында, анын ичинде мамлекеттик жана муниципалдык түзүмдөр менен максаттуу иш алып барып, калктын каржылык сабаттуулугун жогорулатуу боюнча программаларды ишке ашырууну улантууда.