Башҡортостан каратистары Ҡаҙанда «Аҡ Барыҫ Кубогы» ярыштарында лайыҡлы сығыш яһап, 15 миҙал яуланы, тип хәбәр иттеләр Республиканың спорт министрлығынан.
Ҡаҙанда «Аҡ Барыҫ Кубогы» каратэ буйынса халыҡ-ара, бөтә Рәсәй һәм төбәк-ара турнир үтте. Ярыштарҙа 16 илдән 2200-ҙән ашыу атлет ҡатнаша.
Ҡыҙҙар араһында каратэ буйынса халыҡ-ара турнирҙа Ева Бердышева бронза миҙалы алды. Бөтә Рәсәй ярыштарында Алтын миҙалға Айзилә Ниғәмәтова (14-15 йәшлек ҡыҙҙар), Сафия Маннанова (12-13 йәшлек ҡыҙҙар), Андрей Сандаков (14-15 йәшлек егеттәр) лайыҡ булды.
Көмөш миҙалға Анелия Мусина, Сабина Сәлимова (10-11 йәшлек ҡыҙҙар), Полина Калюжная (14-15 йәшлек ҡыҙҙар), Эмиль Әлмөхәмәтов (14-15 йәшлек егеттәр), Алиса Туманова (14-15 йәшлек ҡыҙҙар), София Лобастова (16-17 йәшлек) лайыҡ булды.
Бронза миҙалға Илья Мөрсәлимов (16-17 йәшлек үҫмерҙәр) һәм Имран Сәлимов (12-13 йәшлек үҫмерҙәр) лайыҡ булды.
Төбәк-ара ярыштарҙа София Соколова (8-9 йәшлек ҡыҙҙар) икенсе булды. Өсөнсө урынды Дарина Чигвинцева (10-11 йәшлек ҡыҙҙар), Степан Салмин (8-9 йәшлек малайҙар) һәм Рифат Мирхәйҙәров (10-11 йәшлек малайҙар) яуланы.
Афариндар, ҡыҙҙар һәм малайҙар!