Бишкекте 24-26-апрелде Чехословакиядан келген «Интергельпо» кооперативинин 100 жылдыгына арналган «Улуу миссия» эл аралык фестивалы өтөт. Иш-чаралар лекциялар, көргөзмөлөр, концерттер жана викториналарды камтыйт.
🎉 Бишкекте 24-26-апрелде Чехословакиянын “Интергельпо” кооперативинин Кыргызстанга келгенинин 100 жылдыгына арналган “Улуу миссия” эл аралык фестивалы өтөт.
📚 Фестиваль Кыргызстан, Чехия, Словакия жана башка өлкөлөрдөн келген маданият, илим жана коомдук чөйрөнүн өкүлдөрүн бириктирет. Иш-чаранын программасына лекциялар, көргөзмөлөр, концерттер жана Бишкектин тарыхы менен кооперативдин республикага кошкон салымына арналган тематикалык викторина кирет.
🏫 Фестивалдын алкагында мектеп окуучулары үчүн “Интергельпо” темасына арналган викторина уюштурулат. Биринчи тур онлайн форматта өтсө, экинчи тур фестивалдын күндөрүндө “Диалог” маданият үйүндө өтөт. Жеңүүчүлөр дипломдор жана эстелик белектер менен сыйланышат.
🏗️ “Интергельпо” кооперативи 1925-жылы совет бийлигинин чакыруусу менен Кыргызстанга келген. Анын катышуучулары – инженерлер, куруучулар, дарыгерлер жана жумушчулар – республиканын индустриалдашуусунда маанилүү роль ойногон. Алардын эмгеги менен электр станциялары, өнөр жай ишканалары, турак жай кварталдары жана социалдык инфраструктура объектилери курулган. “Интергельпо” мурасы бүгүнкү күндө Бишкектин архитектуралык көрүнүшүндө жана шаар тургундарынын эсинде сакталып келет.