Бишкек, 17.04.25. /Кабар/. КР ИИМнин Баӊгизаттарды мыйзамсыз жүгүртүүгө каршы күрөшүү кызматынын кинология борборунун кызматкерлери жана алардын кызматтык иттери «Афур» жана «Бади» эл аралык мелдеште багаждагы баӊгизаттарды издөө боюнча биринчи жана экинчи орундарды ээлешти.
🇰🇬 Кыргызстандын ИИМнин Баңгизаттарды мыйзамсыз жүгүртүүгө каршы күрөшүү кызматынын Кинология борборунун кызматкерлери жана алардын кызматтык иттери «Афур» жана «Бади» эл аралык мелдеште «Жүктөгү баңгизаттарды издөө» номинациясында биринчи жана экинчи орундарды ээледи.
🐕 Мелдеш Кыргызстандын Финансы министрлигинин Мамлекеттик бажы кызматынын Окуу борборунда өтүп, Борбордук Азиянын өлкөлөрүнөн — Казакстан, Тажикстан, Түркмөнстан, Өзбекстандан келген командаларды жана Кыргызстандын Улуттук коопсуздук мамлекеттик комитетинин Чек ара кызматынын, Мамлекеттик бажы кызматынын жана башка укук коргоо органдарынын өкүлдөрүн чогултту.
👮♂️ Бул жеңиш кинологдордун жана алардын кызматтык иттеринин жогорку деңгээлдеги кесиптик даярдыгын жана баңгизаттарды мыйзамсыз жүгүртүүгө каршы күрөштөгү натыйжалуу ведомстволор аралык координацияны тастыктайт.
🌍 Эл аралык деңгээлдеги мындай иш-чаралар кызматкерлердин тажрыйба алмашуусуна жана баңгизаттарды мыйзамсыз жүгүртүүнүн алдын алуу боюнча жаңы ыкмаларды үйрөнүүгө чоң мүмкүнчүлүк берет.