Бишкекте 30-майда VIII Дүйнөлүк фестивалынын алкагында «Көчмөндүн стили» аттуу эл аралык мода конкурсу өтөт. NeoNomad Style темасы менен этникалык жана заманбап моданы айкалыштырган иш-чара эки категорияда өтөт: «Салттын сакчылары» жана «Жаш толкун». Катышуу үчүн 5-майга чейин арыз тапшыруу керек.
🎨 Бишкекте 30-май күнү VIII Дүйнөлүк “Элдердин эпостору” фестивалынын алкагында “Көчмөндүн стили” эл аралык мода конкурсу өтөт. Бул иш-чара көчмөн маданиятын заманбап мода тенденциялары менен айкалыштыра алган дизайнерлерди, модельерлерди жана этникалык моданын күйөрмандарын чогултууга багытталган.
👗 Быйылкы конкурстун темасы – NeoNomad Style, ал модадагы салттуу жана жаңы элементтердин айкалышына басым жасайт.
🏆 Конкурс эки категорияда өтөт: “Салттын сакчылары” – 5 жылдан ашык тажрыйбасы бар кесипкөй дизайнерлер үчүн; “Жаш толкун” – жаш адистер жана башталгыч модельерлер, анын ичинде профилдик жогорку окуу жайлардын студенттери үчүн.
🧵 Катышуучулар коллекцияларын көрсөтүү, индустрия адистеринин эксперттик баалоосу, мастер-класстар, сыйлык фонду, ошондой эле уюштуруучулардын медиа жана интернет ресурстарында жарыялануу мүмкүнчүлүктөрүн алышат.
📧 Катышуу үчүн арызды толтуруп, коллекциянын сүрөттөрү жана эскиздерин nomadstylefest@gmail.com электрондук дарегине жөнөтүү керек. Арыздарды кабыл алуу 2025-жылдын 10-апрелинен 5-майына чейин ачык.
📱 Кошумча маалыматты WhatsApp аркылуу +996 755 048 844 номеринен алууга болот.
🎉 Конкурс 30-майда Бишкек шаарында өтөт. Уюштуруучулар этникалык мода дүйнөсүндөгү негизги окуялардын бир бөлүгү болууга баардык каалоочуларды чакырат.