Бишкек, 17.04.25. Адылбек Касымалиев Нарындан кийин Ысык-Көл облусуна барып, Чолпон-Атадагы борбордук көчөнүн жана Корумду–Балбай жолунун курулушу менен таанышты. Жолдордун жаңыланышы туризмди өнүктүрүүгө багытталган.
🚧 Адылбек Касымалиев Нарын облусуна болгон иш сапарын соңуна чыгарып, Ысык-Көл облусуна барып, бир катар объекттердин курулуш иштери менен таанышты.
🏗️ Чолпон-Ата шаарынын борбордук көчөсүнүн жана Корумду–Балбай автожолунун реконструкциясы жүрүп жатат. Чолпон-Атадагы көчөнүн узундугу 3,9 км, туурасы 16-26 метрди түзөт. Ремонт иштери өткөн жылы башталып, быйыл аяктайт деп пландалууда.
🌍 Жолдун жаңыланышы ички жана тышкы туризмди өнүктүрүүгө, транспорттук коопсуздукту камсыз кылууга жана аймактык интеграцияны күчөтүүгө багытталган.
🚧 Корумду айылынан Балбай Баатыр айылына чейинки жолдун курулуш иштери 2025-жылдын март айында кайра башталып, 2026-жылы аяктоо пландалууда.
🏖️ Чолпон-Ата шаарынын борбордук муниципалдык пляжын реконструкциялоо иштери менен да таанышуу болду. Ысык-Көл облусун өнүктүрүү фонду тарабынан каржыланган бул иштер 2025-жылдын июнь айына чейин аяктайт деп күтүлүүдө.
🔍 Адылбек Касымалиев курулуш иштеринин сапатын жогорулатуу жана жайкы туристтик сезон башталганга чейин аяктоо боюнча мамлекеттик органдардын жетекчилерине тапшырма берди.