Бишкек, 28.04.25. Мотор майы сакталган кампада өткөрүлгөн салыктык текшерүүдө 23 тонна 111 литр акциздик маркасыз мотор майы табылды. Бул факты боюнча материалдар укук коргоо органдарына өткөрүлүп берилди.
🛢️ Ош облусунун Узген районундагы Баш-Добо айылында жайгашкан мотор майларын сактоочу кампада мамлекеттик салык кызматы рейддик текшерүү жүргүздү.
🔍 Текшерүүнүн жүрүшүндө 23 тонна 111 литр акциздик маркалары жок мотор майы табылып, анын жалпы суммасы 3 222 583,6 сомду түздү.
📄 Аныкталган фактылар боюнча баштапкы процессуалдык документтер түзүлүп, чогултулган материалдар Кыргыз Республикасынын нормативдик укуктук актыларына ылайык юридикалык баа берүү үчүн укук коргоо органдарына өткөрүлүп берилди.
📊 Салык кызматы катталбаган товарларды аныктоо жана салык мыйзамдарын сактоону камсыз кылуу боюнча пландуу иштерин улантууда.