Çырчаллисен Уявӗ – çӗнтерӳçӗ!
Çуркунне Çырчаллинче Культура ӗçченӗн кунне ирттересси йăлана кӗнӗ. Кăçал вăл апрелӗн 15-мӗшӗнче «Энергетик» Культура керменӗнче иртрӗ. Мероприяти Халăхсен хушшинчи тӗнче фончӗсен ассоциацийӗ 1998 çулта çирӗплетнӗ Пӗтӗм тӗнчери культура кунӗпе пӗр килчӗ.
2024 çула пӗтӗмлетсе чи лайăх культура ӗçченӗсене тӗрлӗ шайри наградăсемпе чысларӗç. Ятарласа хатӗрленӗ концертра Çырчаллинчи чи лайăх ташă ушкăнӗсемпе вокалистсен пултарулăхне курса савăнма май пулчӗ. Палăртса хăварма кăмăллă, Çырчалли чăвашӗсем ирттерекен «Уяв» йăла праçникӗ 2024 çулăн пӗтӗмлетӗвӗсемпе «Халăх йăлисене упрани» номинацире çӗнтерчӗ.
