Фажиғәле хәл 15 ноябрҙә Белорет ҡалаһының үҙәгендә булған. 32 йәшлек Игорь атаһы менән магазинға аҙыҡ-түлек алырға ингән. Касса янында сиратта торғанда компания менән бәхәскә ингәндәр. Артабан мөнәсәбәттәр асыҡлау урамда дауам иткән. Унда, Пушкин һәм К. Маркс урамдары киҫелешендә, ирҙе туҡмағандар. Ул ашығыс медицина ярҙамы килгәнсе үк үлгән. Полиция хеҙмәткәрҙәре үлтереүҙә ғәйепләнгән 23 йәшлек Ингушетия кешеһен Магнитогорск ҡалаһына китеп барғанда ҡулға алған. Шулай уҡ уның менән магазинда бергә булған иптәштәрен полиция бүлегенә алып килгәндәр. Рәсәй Тәфтиш комитеты етәксеһе Александр Бастрыкин был енәйәт эшен тикшереү барышы тураһында доклад талап иткән. Фото сығанағы: Башкирия Online.
Белорет ҡалаһы үҙәгендә бер ирҙе туҡмап үлтергәндәр
17 ноября 202417 ноя 2024
2
~1 мин