«Кейек ҡаҙ юлдары» йырын башҡарған Артур Хәсәновтың ниндәй пландары бар?

Хәрби өйрәнеүҙәр ваҡытында «Кейек ҡаҙ юлдары» йырын башҡарып, барыһын да таң ҡалдырған Артур Хәсәновтың һуңғы ваҡытта хәбәрҙәр юҡ ине. Күптәр борсолоп та һораған инеләр. Артур өсөн борсолоусыларҙы тынысландырырға ашығабыҙ: ул иҫән-һау, әле хәрби операцияла. Яңыраҡ яугир йырсы Ришат Төхвәтуллин менән бәйләнешкә ингән һәм аралашҡан. Артур Ришат Төхвәтуллинға шаяртып ҡына: "Һинең төркөмөңдә берәй урын юҡмы?"- тип һораған. "Табырбыҙ! Иң мөһиме - иҫән-һау ҡайт!" - тигән йырсы. Тимәк, Артур Хәсәнов махсус хәрби операциянан ҡайтҡас, Ришат Төхвәтуллиндың төркөмөндә эшләргә йыйына. Тиҙерәк һуғыш бөтөп, күптәр яратып өлгөргән Артур Хәсәновтың йырҙарын ҙур сәхнәләрҙә ишетергә яҙһын! Фото һәм сығанаҡ: "Интертат".