“Халыҡ участковыйы” һеҙҙән иғтибар көтә

Башҡортостанда «Халыҡ участковыйы-2024» Бөтә Рәсәй конкурсының республика этабы тамамланды. Әбйәлил районынан участковый Мансур Моратшин төбәк этабында еңеүсе булды - уны 95 меңдән ашыу граждан яҡлап тауыш бирҙе. Шуныһы иғтибарға лайыҡ: иң яҡшы участковый исеме өсөн полицияның өлкән лейтенанты икенсе тапҡыр ҡатнаша. 2022 йылда Мансур Моратшин төбәк этабында еңеп, финалға сыҡҡан ине, ләкин ул саҡта еңергә аҙ ғына тауыш етмәгән. Мансур Моратшиндың карьераһы 2016 йылда патруль-пост хеҙмәте полицейскийы вазифаһынан башлана, ул унда юридик колледжды тамамлағандан һуң эшкә урынлаша. 2019 йылда Мансур Марат улы полицияның уполномоченныйы итеп күсерелә. Һуңғы биш йыл эшләү дәүерендә урындағы халыҡтың ышанысын ғына түгел, коллегаларының ихтирамын да яулап өлгөргән. - Эш, ысынлап та, ҡатмарлы һәм яуаплы, - ти Мансур Моратшин. – Профилактик иҫкәртеү эшенә ҙур иғтибар бирәбеҙ, көндәр буйы аяғөҫтө эшләргә тура килгән ваҡыттар ҙа була. Шундай көсөргәнешкә күнегеп тә алаһың, бурыстарыңды теүәл башҡараһың. Бала сағынан уҡ Мансур Моратшин Ғәҙәттән тыш хәлдәр министрлығында эшләгән атай өлгөһөндә хоҡуҡ һағында хеҙмәт итергә хыялланған. Малай бала сағынан уҡ атаһының башҡаларҙы ҡотҡарыр өсөн үҙен ни тиклем ҡурҡыныс аҫтына ҡуйыуын күҙәткән. Бына әле лә участковый урындағы халыҡ менән әүҙем эшләй, мәсьәләләрҙе хәл итә һәм мохтаждарҙың һәр береһенә ярҙам күрһәтә. Үҙенең эшен Мансур Моратшин ҡаһарманлыҡ һәм фиҙакәрлек талап иткән бурыс тип иҫәпләй. Өлкән лейтенантты йәш коллегаларына лайыҡлы өлгө итеп ҡуялар. Уның өсөн полицияла эшләү - хеҙмәт кенә түгел, ә ысын булмыш. Шул уҡ ваҡытта Мансур Моратшин күктән йондоҙҙар эҙләмәй һәм наградаларға йәки исемдәргә ынтылмай. Уның ысын наградаһы - Әбйәлил районының рәхмәтле кешеләре, улар янында һәр ваҡыт ярҙамға килергә әҙер кеше барлығын белеүҙәре. Кешеләрҙе үҙенә йәлеп итеү һәләте участковыйҙы үҙ эшенең ысын оҫтаһы итә. - Ни өсөн мин конкурста икенсе тапҡыр ҡатнашырға булдым? Эйе, теләгем ҙур. Сөнки район халҡынан ярҙам һәм ышанысты тоям, шуға күрә йәнә уңышҡа өлгәшергә теләнем, - тине Мансур Моратшин. Бөтә Рәсәй “Халыҡ участковыйы” конкурсында Башҡортостан данын яҡлаған Мансур Моратшинҡа тауыштарығыҙҙы йәлләмәгеҙ. Конкурс, ғәҙәттәгесә, БР сайттары уҡыусылары менән тығыҙ хеҙмәттәшлектә үткәрелә. 10 ноябргә тиклем һәр граждан Рәсәй полицияһының иң яҡшы участка вәкиле исеменә кандидаттарҙың береһе өсөн «Комсомольская правда» нәшриәт йорто порталында ошо һылтанма аша тауыш бирә ала: https://www.kp.ru/media/984802/ Голосование проводится: 1 ноября 2024 – 10 ноября 2024 Голоса не принимаются: с IP-адресов, закрепленных за открытыми прокси-серверами, с одной учетной записи более одного раза в течение всего периода голосования, с учетных записей Mail.ru (и всех их серверов, таких как inbox.ru, list.ru и пр.), в связи с простотой роботизации учетных записей с целью накруток. Все накрутки будут фиксироваться и автоматически отсеиваться, а реальные голоса обновляться в 12.00 ч. по московскому времени. Организатор оставляет за собой право провести технический аудит протоколов голосований и удалить голоса, которые будут считаться накрученными. Если вы проголосовали, результаты не отобразятся сразу, рейтинг обновляется ежедневно в 12.00 ч.(мск). Сығанаҡ: https://www.kp.ru/media/984802/