“Башэлектросбыт"ҡа республика халҡы тағы телефон мутлашыусыларының эшмәкәрлегенә ҡарата ялыу менән мөрәжәғәт итте. Енәйәтселәр энергосбыт компанияһы исеменән шылтыратып, электр энергияһын иҫәпкә алыу приборын тикшерергә йәки алмаштырырға тәҡдим итә. Артабан "Дәүләт хеҙмәттәре" порталына инәләр һәм, «паролде оноттом» функцияһын һайлап, ҡорбандарының телефон номерын индерәләр. Артабан «ҡулланыуҙы тергеҙеү» төймәһенә баҫалар һәм граждандарҙың телефонына «Иҫәп яҙмаһын тергеҙеү коды. Бер кемгә лә хәбәр итмәгеҙ" тигән смс-хәбәр килә. Бер ни ҙә һиҙмәгән граждан код һандарын ҡысҡырып әйтә, һәм мутлашыусылар уның «Дәүләт хеҙмәттәре» профиленә һәм шәхси мәғлүмәттәргә инә ала. Артабан кредит рәсмиләштерә алалар, банк карталарына инеп, аҡса сығаралар. Бындай осраҡтар бөтә республика буйынса теркәлә. Мәҫәлән, Сибайҙа йәшәүсе оло йәштәге кеше мутлашыусыларҙың ҡорбаны була яҙған. Уға электр энергияһын иҫәпкә алыу приборын алмаштырыу тәҡдиме менән шылтыраталар, срогы үткән тиҙәр. Уға шунда уҡ приборҙ