Төбәк Башлығы ике мөһим ваҡиғаға старт бирҙе

– Беҙҙә яҡшы традиция барлыҡҡа килде: йыл һайын форумда мотлаҡ яңы объекттар асабыҙ, яңы төҙөлөштәргә старт бирәбеҙ. Бөгөн дә ике күңелле ваҡиға күҙәтелә. Беҙ энергетика предприятиелары етәкселәренә бик рәхмәтлебеҙ, – тине Радий ХәбировБлаговещен районындағы 110 кВ-лы “Юлдаш” яңы подстанцияһы көнкүреш һәм сәнәғәт ҡулланыусыларын электр энергияһы менән тәьмин итәсәк, шулай уҡ муниципалитетты энергия менән тәьмин итеүҙең ышаныслылығын арттырасаҡ. “Башкирэнерго” компанияһы (“Башҡортостан электр селтәрҙәре компанияһы” акционерҙар йәмғиәтенә инә) уның төҙөлөшөнә 372,5 миллион һум күләмендә аҡса инвестициялаған. “Юлдаш” һанлы подстанцияларҙың яңы быуынына ҡарай. Уларҙы файҙаланыу өсөн эргәлә кешенең даими булыуы талап ителмәй. Уның менән телемеханика саралары ярҙамында дистанцион идара итәләр.Благовещен районы хакимиәте башлығы Анна Карабанова республика етәкселегенә һәм “Башкирэнерго” компанияһына мөһим энергетика объектын сафҡа индергәне өсөн рәхмәт белдерҙе. – Яңы подстанция асыу – Благовещенды үҫтереү өсөн мөһим аҙым. Беҙҙә 20-нән ашыу эре сәнәғәт предприятиеһы бар. Беҙҙең йылдам үҫеш биләмәһендә – 30 резидент, уларҙың яртыһы үҙ продукцияһын сығара, – тине Анна Карабанова. – Был объект ғәмәлдәге һәм яңы төҙөлөп ятҡан сәнәғәт предприятиеларын үҫтереү өсөн ышаныслы энергия сығанағы буласаҡ. Яҡын арала беҙҙең ҡалала “ОЗОН” компанияһының ҙур күмәртә-бүлеү үҙәге эшләй башлаясаҡ. Былар барыһы ла – ҡала һәм тотош республика өсөн эш урындары һәм инвестициялар.Форумда Башҡортостан Башлығы Ҡарман ДРЭС-ның 1-се энергоблогын яңыртыуға ла старт бирҙе. Проектты йылылыҡ генерацияһын модернизациялау президент программаһы сиктәрендә тормошҡа ашыралар. Уның маҡсаты – йылылыҡ электр станциялары генерация ҡорамалдарының парк ресурсын оҙайтыу. Шулай уҡ уларҙың техник-иҡтисади характеристикаларын яҡшыртыу, һөҙөмтәлелеген һәм ремонтҡа яраҡлылығын арттырыу маҡсаттары тора.Фото: glavarb.ru