Өфө махсус докладты тәүгеләрҙән булып тыңланы

Башҡортостандың Йәмәғәт палатаһы майҙансығында «Башҡортостанда башҡарма һәм муниципаль власть органдары ҡарамағындағы йәмәғәт советтары эшмәкәрлеге тәжрибәһе һәм перспективалары» түңәрәк өҫтәле эше сиктәрендә ошо докладтың тәүге презентацияһы уҙҙы. Был баҫма тураһында ҙур трибуналарҙан бөтә илгә 1 һәм 2 ноябрҙә Мәскәүҙә үтәсәк «Берләшмә» форумында һөйләйәсәктәр. Баҫманың мөхәррирҙәренең береһе, Рәсәй Йәмәғәт палатаһының Закон проекттарына һәм башҡа норматив акттарға йәмәғәт экспертизаһы буйынса комиссия рәйесе урынбаҫары Александр Терновцов әйтеүенсә, Башҡортостан доклад өсөн йәмәғәт советтарының иң яҡшы тәжрибәләренең береһен тәҡдим итте, тиҙ, асыҡ һәм күләмле бөтә кәрәкле материалдарҙы, анкеталарҙы тапшырҙы, шуға күрә лә төбәгебеҙҙең баш ҡалаһында тәүге презентацияны үткәрергә ҡарар ителде. Был доклад - илдең 85 субъектынан, шул иҫәптән Башҡортостандан йөҙәрләгән йәмәғәтсенең коллектив хеҙмәте һөҙөмтәһе. Материалдың маҡсаты - кәңәштәр булдырғанда ҡуйылған маҡсаттарға ирешеп булдымы, юҡмы икәнен асыҡлау. Уларҙы ойоштороу башланғысын ил Президенты тәҡдим итте, ул тәүге тапҡыр 2013 йылда нәшер ителде. «Владимир Путин власть органдары ҡарамағында йәмәғәт советтары ойошторорға тәҡдим иткәс, ул йәмәғәт советтары граждандар йәмғиәте һәм власть араһында оҙатыусы булырға тейешлеген билдәләне, йәмәғәт советы ни тиклем әүҙем булһа, властың нимә эшләүен аңлай. Мәсьәләләр тиҙ арала хәл ителһен өсөн, кешеләр, йәмәғәт советтары аша мәғлүмәттәрҙе, ҡайғы-хәсрәттәрен хәл итә ала. Ул йәмәғәт советтарының буласаҡ ағзаларына эштәренә формаль ҡарамауҙарын, йәмәғәтселектең власҡа өҫтәмә түгел, ә үҙ аллы институт булыуын үтенде, - тип аңлатты Терновцов. - Әгәр федераль кимәлдәге власть Йәмәғәт палатаһы йәмәғәт советтарын ойоштороу, уларҙың эш һөҙөмтәлелеген баһалау, уларҙың эшен яраштырыу буйынса эштәрҙе көйләһә, төбәк кимәлендә быларҙың барыһы ла төбәктәр вәкәләтенә тапшырылды. Доклад өсөн мәғлүмәт йыйғанда төбәк йәмәғәт палаталары менән яҡшы бәйләнеш булдырҙыҡ, улар йәмәғәт советтарының эшен яҡшыртыу буйынса аңлатмалар һәм тәҡдимдәр бирҙе». Төрлө кимәлдәге йәмәғәт советтары менән үҙ-ара килешеп эш итеү тураһында һөйләгәндә, Башҡортостандың Йәмәғәт палатаһы рәйесе Данияр Абдрахманов һуңғы йылда эш форматының яңынан ҡаралыуын һыҙыҡ өҫтөнә алды. - Әле беҙ тағы ла тығыҙыраҡ, палаталар, власть органдары, муниципалитеттар ҡарамағындағы советтар менән әүҙемерәк эшләйбеҙ. Әүҙемлектең артыуы урындарҙа уй-фекерҙәрҙең, тормошто яҡшы яҡҡа үҙгәртеү теләгенең булыуы хаҡында һөйләй. Башҡортостандың Юстиция эштәре буйынса дәүләт комитеты ҡарамағындағы Йәмәғәт советы рәйесе Азамат Хәсәнов фекер алышыу барышында, Рәсәй - донъяла халыҡҡа власть органдары эшмәкәрлегенә йәмәғәт советтары аша контроллек итергә рөхсәт биргән берҙән-бер ил, шул уҡ ваҡытта халыҡ йыш ҡына был хаҡта белмәй һәм был мөмкинлектән файҙаланмай, шуға күрә ошо хаҡта һөйләү мөһим, тип билдәләне. Башҡортостандың Йәмәғәт палатаһы ағзаһы Булат Сафин түңәрәк өҫтәлдә Башҡортостандың Юстиция эштәре буйынса дәүләт комитеты ҡарамағындағы йәмәғәт советы менән берлектә мөмкинлектәре сикләнгән граждандар өсөн мировой судтарҙың асыҡлығына мониторинг үткәрә башлауы хаҡында һөйләне. Булат Сафин сығыш яһағанда республикала «дәүләт хеҙмәттәре» кабинеты аша ингәндә онлайн суд ултырыштары киң ҡулланылыр тип хыялланыуы хаҡында һөйләне. Судтар эшен һанлаштырыу эште ярайһы уҡ еңелләштерәсәк, суд юристарға үҙҙәренең ваҡытын һәм аҡсаһын ышаныс белдергәндәрҙең башҡа ҡалаларға һәм райондарға командировкаларға китеү өсөн тотонмаҫҡа мөмкинлек бирәсәк. Өфөнөң Йәмәғәт палатаһы рәйесе Ольга Одинокова түңәрәк өҫтәлдә Рәсәй Йәмәғәт палатаһы ағзаһы Александр Терновцовҡа муниципаль йәмәғәт палаталары аппараттарын формалаштырыу мөмкинлектәрен ҡарарға тәҡдим итте. Башҡортостандың Йәмәғәт палатаһы эксперты, Башҡортостан Фәндәр академияһының стратегик тикшеренеүҙәр институты директоры Владимир Савичев Рәсәйҙең Йәмәғәт палатаһы ағзаһына федераль закондар сығарыу кимәлендә йәмәғәт палаталары һәм йәмәғәт советтары ағзалары өсөн КPI индереүҙәрен һорап мөрәжәғәт итте. Был йәмәғәт палаталары һәм советтары ағзаларын әүҙемерәк һәм һөҙөмтәлерәк булырға, ә юғары контроль-иҫәп палатаһы уға киләһе саҡырылышта урынға дәғүә итергә мөмкинлек бирәсәк. Мәскәү ҡунағы был тәҡдим менән килеште һәм яҡын киләсәктә хеҙмәткәрҙәргә ете эш киртерийы индереләсәк тип белдерҙе. “Йәмәғәт палатаһы йәки совет ағзаһы өсөн социаль селтәрҙәр - ул күп каналлы коммуникация, уны оҫта файҙаланғанда абруйҙы арттырырға мөмкинлек бирә”, - тине Владимир Савичев. Социаль селтәрҙәрҙә урынлаштырылған посттың булыуы ғына түгел, ә ошо фекер алышыуҙарҙа үҙ фекереңде дәлилләү аша күптәрҙең фекеренә йоғонто яһау ҙа мөһим. Докладтың тулы варианты менән түбәндәге һылтанма буйынса танышырға мөмкин: https://clck.ru/3ECDAM Фото https://vk.com/album-115462126_306257170