25 октябрҙә Өфөлә Башҡортостан Башлығы Радий Хәбиров етенсе саҡырылыш Дәүләт Йыйылышы – Ҡоролтайҙың 14-се ултырышы эшендә ҡатнашты. Республика торлаҡ-коммуналь хужалыҡ министры вазифаһын башҡарыусы Ирина Голованованың Башҡортостандың торлаҡ-коммуналь хужалыҡ эшмәкәрлеге йомғаҡтары һәм үҫеш перспективалары тураһындағы отчеты көн тәртибендәге төп мәсьәлә булды. Атап әйткәндә, төбәктең торлаҡ-коммуналь комплексына 18 меңдән ашыу күп фатирлы йорт, 1,6 мең ҡаҙанлыҡ, 4 мең километр йылылыҡ тәьминәте селтәре, 16 мең километр һыу тәьминәте, 4 мең километр канализация, шулай уҡ 517 үҙәк йылылыҡ пункты, 420 һыу алыу ҡоролмаһы, 77 таҙартыу ҡоролмаһы инә. Коммуналь инфраструктураның туҙыу кимәле – 54 процент. 2024 йылда 720 күп фатирлы йортта капиталь ремонт тамамлана. Өфөлә, Асҡын, Иглин, Шишмә һәм Стәрлебаш райондарында 39 күп фатирлы йорттоң 119 подъезы төҙөкләндерелгән. 2025 йылға 598 йортҡа капиталь ремонт үткәреләсәк. Коммуналь инфраструктураны яңыртыу төбәк программаһы арҡаһында 2023 йылдан