“Һаулыҡ һаҡлау” милли проектының “Һаулыҡ һаҡлауҙың берҙәм дәүләт мәғлүмәт системаһы нигеҙендә һаулыҡ һаҡлауҙа берҙәм һанлы контур булдырыу” төбәк программаһына ярашлы, Салауат дауаханаһында биш автоматлаштырылған эш урыны булдырылды. Компьютерҙарҙы тәүлек әйләнәһенә эшләүсе балалар стационарының табиптар кабинеттарына урынлаштырҙылар. Яңы ҡорамал республика медицина мәғлүмәт системаһы эшмәкәрлеге талаптарына яуап бирә. Уның ярҙамында табип пациенттарҙы ҡабул итеүгә яҙа, электрон картаны алып бара, йүнәлтмәләр, льготалы рецептар белешмәһен әҙерләй. Шулай уҡ яңы техника ярҙамында телемедицина консультацияһы үткәрергә мөмкин. –Һанлаштырыу табиптарҙы күп эштәрҙән, мәшәҡәттәрҙән арынырға, эште яҡшыраҡ ойошторорға ярҙам итә. Заманса эш урындары диагностика һәм дауалау барышын көйләргә, яҡшыраҡ, һөҙөмтәлерәк үткәрергә булыша, – тине Салауат ҡалаһы дауаханаһының баш табибы Алик Янышев. Рәсәй Президенты Владимир Путиндың май указдарына ярашлы, 2024 йылға ил үҫешенең төп маҡсаттарына өлгәшергә