Батыр аллеяһын төҙөкләндереүҙең икенсе этабы тамамланды

Башҡортостан Республикаһының Салауат ҡалаһында Батыр аллеяһын төҙөкләндереүҙең икенсе этабы тамамланды. Эштәр "Торлаҡ һәм ҡала мөхите" милли проектының "Уңайлы ҡала мөхитен булдырыу" федераль проекты сиктәрендә башҡарылды. Салауат Юлаев бульварындағы Батыр аллеяһы 2023 йылда “Уңайлы ҡала мөхитен булдырыу” федераль проектының рейтинг тауыш биреүендә еңеү яуланы. Тәүге этапта яңы ҡиәфәткә Батыр аллеяһының беренсе өлөшө инде. Төҙөкләндерелгән биләмәлә япма яңыртылды, ял итеү өсөн урындар йыһазландырылды, күләгәле япмалар, эскәмйәләр, яҡтыртыу ҡоролмалары, шулай уҡ яңы архитектура элементтары монтажланды. Икенсе этапҡа ял һәм күмәк кеше ҡатнашлығындағы саралар үткәреү өсөн инфраструктураны яңыртыу инде. Аллея тағы ла уңайлыраҡ булды – сирень, сәскә композициялары ултыртылды, киңәйеү зонаһына эләккән ағастар ҙа һаҡлап ҡалынды. Яңы яҡтыртыу ҡорамалдары, парк мебеле, декоратив перголалар ҡуйылған. Шулай уҡ бында япма яңыртылды һәм яңы архитектура элементтары өҫтәлде. Һәйкәлдәргә айырым иғтибар бүленде – улар гранит менән көпләнгән, эргә-тирәлә күп йыллыҡ үләндәр һәм ҡыуаҡлыҡтар түтәлдәре эшләнгән. Аллеяла яңы эскәмйәләр, шахмат өҫтәлдәре урынлаштырылды. Билдәле булыуынса, “Торлаҡ һәм ҡала мөхите” (национальный проект “Жилье и городская среда”) милли проекты Рәсәй Президенты Владимир Путиндың май указы менән булдырылды. Фото: Салауат ҡалаһы хакимиәте.