Россия Федерациясынын Премьер-министри Михаил Мишустин кыргызстандык жаштардын Россиянын ЖОЖдорунда билим алууга болгон кызыгуусу өсүп жатканын белгилеп, билим берүү жана илимий-техникалык чыгармачылык жаатында ийгиликтүү кызматташууга басым жасады.
📚 Кыргыз жаштары Россиянын ЖОЖдорунда билим алууга активдүү кызыгып жатканы Орусия менен Кыргызстандын өкмөттөрүнүн биргелешкен жыйынында белгиленди.
🌟 Михаил Мишустин август айынын аягында билим берүү тармагындагы инновациялык чечимдердин кыргыз-орус жарманкеси өткөнүн, ага Россиянын алдыңкы билим берүү мекемелеринин 150дөн ашык өкүлдөрү катышканын баса белгиледи.
🤝 Мектеп окуучуларынын арасында илимий-техникалык чыгармачылыкты өнүктүрүү, ошондой эле Кыргызстандын таланттуу студенттери менен иштөө механизмдери талкууланды.
🎓 Орусияда 16 миңдей кыргызстандык студент билим алууда жана ар кандай популярдуу билим берүү долбоорлору ишке ашырылууда.
🗣️ Россия өкмөтүнүн башчысы эки өлкөнүн билим берүү тармагындагы кызматташтыгына байланыштуу күн тартибиндеги кеңири маселелерди талкуулоого даяр экенин билдирди.